تجربتي بالتفصيل مع التقديم علي تأشيرة تاير فور مع العلم إني موفده علي حساب الدوله.

استعرض الموضوع السابق استعرض الموضوع التالي اذهب الى الأسفل

تجربتي بالتفصيل مع التقديم علي تأشيرة تاير فور مع العلم إني موفده علي حساب الدوله.

مُساهمة من طرف AL-AMIN في الثلاثاء أكتوبر 28, 2014 5:44 pm

بسم الله الرحمن الرحيم
السلام عليكم ورحمة الله وبركاته
التالي تجربتي بالتفصيل مع التقديم علي تأشيرة تاير فور مع العلم إني موفده علي حساب الدوله.
قدمت أنا وزوجي و بنتي يوم 8/5 واستلمنا التأشيرات يوم 2/6 الحمدلله.

الأوراق بالتفصيل
للموفد main applicant
Application Tier four general student
ATAS الأتاس
CAS الكاس
قبول غير مشروط من الجامعه
شهادة الماستر وكشف الدرجات من بريطانيا
عدد 2 صور شخصيه خلفيه بيضاء و الحجم كان تقريبي مش 3.5*4.5 المهم جدد ومش نسخه
ورقة دعم التأشيره
تسجيل الشرطه في بريطانيا( الجامعه طلبت مني نحطه مع الورق) إن وجد طبعا للطلبه اللي درسوا سابقا في بريطانيا
عقد زواج أصلي و مترجم
جواز السفر الجديد وصوره منه
وجواز السفر اللي قبله فيه تأشيرات سابقه وقدمت بيه علي القبول وورقة الدعم المالي قبل ما نغير عالجواز ونغير أوراقي وصور منه وللأوراق المختومه فيه
أوراق أخري إضافه كدعم فقط
شهادة البكالوريوس وكشف الدرجات مترجمات ) مش مطلوبات)
توصية بروفيسور الماستر ) مش مطلوبه)

لزوجي
Application Tier Four dependent partner
جواز السفر الأخضر ساري المفعول وصور للأوراق المختومه في الجواز
2 صور شخصيه
تسجيل الشرطه

لبنتي
Application Tier four dependent child
جواز السفر الجديد ليها
شهادة ميلادها من بريطانيا
عدد 2 صور شخصيه
فقط لااااااا غير
ملاحظات:
حطيت نسخه من عقد الزواج و الكاس و دعم التأشيره لبنتي وزوجي نحوهم يوم التقديم و قالولي ما ليهمش داعي.
كل الأوراق لجميع المتقدمين أصل وصوره (مع العلم إنه أنا ردولي مجموعة أوراق منها الصور من الصور، يعني مثلا الجوازات صورتهم كلهم و درت منهم نسخه تانيه خدوا نسخه و ردولي نسخه وتوصية المشرف مسحوبه وصوره منها ردولي الصوره).
بنتي عمرها سنتين مارفعتهاش معاي ومافيش داعي أي حد يرفع صغاره اللي عمرهم تحت الخمسه سنين غير دوشه ونفخ راس ليك وللناس التانيه
لا وضع عائلي لا كشف حساب لا الصفحات الفاضيه من الجوازات لا إجازه لا ليا لا لزوجي مع العلم إنه زوجي مكتوب في جوازه عمل حر ومع هذا الجامعه قالولي حتي لو يقري أو يشتغل مافيش داعي يقدم إجازه.
دائما تتبع الفيزا بالطريقه اللي نزلتها من مده لأنه السفاره في طرابلس مابعتوليش رساله مع إنها كانت جاهزه لسبب أو لآخر لكن السفاره البريطانيه أعطوني علم إنها جاهزه لهذا مشيت نشوف و لقيتها جاهزه.
عند الإستلام أرفع معاك تعريف أو أي شيء يثبت شخصية المستلم.
دائما دائما أقري ورقة الكاس كويس لأنه فيها شن الورق الأكاديمي المطلوب ونصيحه بصدق راجع مع السفاره البريطانيه عن طريق الموقع متعهم و الجامعه اللي بتقري فيها هما حيراجعوا معاك الورق بالذات International office وvisa services في الجامعه اللي بتقري فيها ولو ماعرفتش كيف توصل فيهم أطلب إنهم يحولوك ليهم أو أطلب ايميلهم أو تقدر تشوف موقع الجامعه نفسها.
و طبعا سؤال أهل التجربه، أنا شخصيا القروب الكريم و خصوصا أختي أسماء ساعدوني في هلبا أشياء نتمنالهم التوفيق من قلبي.

-----------------
منقــــــــــــــــــــــــــــول
avatar
AL-AMIN
Admin

المساهمات : 30
تاريخ التسجيل : 16/03/2014
العمر : 28
الموقع : alkufrah-libya

معاينة صفحة البيانات الشخصي للعضو http://almofedalamin.montadarabi.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى